प्रचण्डलाई भेट्न जसपाका नेताहरु पेरिसडाँडा पुगे

काठमाडौं । नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाललाई भेट्न जनता समाजवादी पार्टीका नेताहरु पेरिसडाँडा पुगेका छन् । 

केपी शर्मा ओली नेतृत्वको सरकारको विकल्पबारे छलफल गर्न उनीहरु पेरिसडाँडा पुगेका हुन् ।  पेरिसडाँडामै पुगेर जसपा नेपालका अध्यक्ष महन्थ ठाकुर र नेता राजेन्द्र महतोले प्रचण्डसँग छलफल गरेका थिए ।

माओवादी केन्द्रका अध्यक्ष प्रचण्डका प्रेस संयोजक विष्णुप्रसाद सापकोटा ‘जुगल’का अनुसार करिब एक घण्टा भएको छलफल सरकार कसरी बनाउने भन्ने विषयमा केन्द्रित भएको थिया । 

जसपाका नेताद्वय ठाकुर र महतो तत्काल प्रधानमन्त्री केपी शर्मा ओलीलाई नै निरन्तरता दिन सकारात्मक हुन नसकिने प्रतिक्रिया दिएका छन् । 

माओवादी केन्द्रले सरकारप्रतिको समर्थन फिर्ता लिएको अवस्थामा ओली नेतृत्वको सरकार अल्पमतमा पर्दछ । १२१ सांसद रहेको एमालेका लागि सरकार टिकाउन कम्तीमा पनि १५ सांसदको आवश्यकता पर्दछ । 

नेपाली काँग्रेस, नेकपा माओवादी केन्द्र र जनता समाजवादी पार्टीबीच सहकार्य भएमा संसदबाट नयाँ सरकार गठन हुन सक्ने देखिन्छ ।