माओवादी केन्द्रको निर्णय : काँग्रेस र जसपासँग छलफल गरिने

काठमाडौँ । नेकपा (माओवादी केन्द्र) को मंगलबार बसेको स्थायी समिति बैठकले सत्ता साझेदारीका लागि नेपाली कांग्रेस र जनत समाजवादी पार्टीसँग छलफल गर्ने निर्णय गरेको छ ।

पार्टीले सरकार गठनका लागि नेकपा एमालेका अध्यक्ष केपी शर्मा ओलीलाई दिएको समर्थन फिर्ता भने लिएको छैन । माओवादी केन्द्रका उपाध्यक्ष नारायणकाजी श्रेष्ठले नयाँ परिस्थितिबारे नेकपा एमालेसँग पनि छलफल जारी राखेको बताए । यद्यपि, अहिले नै समर्थन फिर्ता लिने बारे भने कुनै निर्णय नभएको जानकारी दिए ।

आजको बैठकले फागुन २९ गते केन्द्रीय कमिटी बैठक तथा चैत १ गते गते प्रशिक्षण भेला बोलाउने पनि निर्णय गरेको छ ।