अबको राजनैतिक निकास निर्वाचनबाट मात्र सम्भव छ: मणिचन्द्र थापा

काठमाडौं । नेपाल कम्युनिष्ट पार्टी (नेकपा) को आन्तरिक राजनीतिमा पूर्व माओवादी केन्द्रका नेताहरु प्रधानमन्त्री केपी शर्मा ओलीको पक्षमा उभिएपछि गठबन्धन अप्रत्यासित बन्यो ।

यसै गठबन्धनमा पुगेका  मणिचन्द्र थापा अहिले खानेपानी तथा सरसफाइ मन्त्री छन् । संघीय संसदको सांसद समेत नरहनु भएका मन्त्री थापा आफ्नो राजनीतिक भविष्य केपी ओली नेतृत्वको समुहबाट अगाडी बढाउने निष्कर्षमा पुगेका छन्  ।

सर्वोच्च अदालतको पछिल्लो निर्णयबाट नेपाली राजनीतिको मोड फरक दिशामा जाने देखिन्छ । नेता थापाले नेपालको राजनीति केपी ओलीको नेतृत्वबाट नै अगाडी बढ्न सम्भव रहेको बताए ।

राष्ट्रवाद, देश विकास र स्थायित्व प्रधानमन्त्री ओलीबाट मात्र सम्भव भएकोले पूर्व माओवादीबाट ओली पक्षमा आउनु भएका नेताहरु माओवादी पार्टीमा नफर्किने पनि बताए ।

अबको राजनैतिक निकास निर्वाचनबाट मात्र सम्भव भएकोले देश निर्वाचनमा जानुपर्ने बताए । राजनैतिक दलहरु सरकार फेरबदल गर्ने गठबन्धन बनाउने भन्दापनि निर्वाचनको लागि तयार हुनुपर्ने बताएका छन्।