आज बसेको प्रतिनिधिसभा बैठकमा सभामुखको भुमिकाप्रति प्रधानमन्त्री ओलीको असन्तुष्टि

काठमाडौं । प्रधानमन्त्री  केपी शर्मा ओलीले आज बसेको प्रतिनिधि सभा बैठकमा सभामुखको भुमिकाप्रति असन्तुष्टि जनाएका छन् । 

बालुवाटारमा बसेको साविक ओली पक्षीय संसदीय दलको बैठकलाई सम्बोधन गर्दै प्रधानमन्त्री ओलीले सभामुख सापकोटाको भुमिकाप्रति असन्तुष्टि जनाएको सांसद खिमलाल भट्टराईले जानकारी दिए । 

सभामुखले प्रचलित परम्परा अनुसार संसद बैठक अघि कार्यव्यवस्था परामर्श समितिको बैठक नबोलाएको, प्रधानमन्त्रीसँग समेत कुनै परामर्श नगरेको तथा संसद बैठकमा बोल्न दिने क्रममा समेत सरकारको विरुद्धमा बोल्न समय दिएको भन्दै प्रधानमनत्री ओलीले असन्तुष्टि जनाएका थिए ।