काठमाडौं । कुनै अदृश्य सेटिङ नभएको भए, सर्वोच्च अदालतले खड्ग ओलीले बहुलठ्ठीपूर्ण तरिकाले गरेको संसद विघटनको विपक्षमा फैसला आउने भएको छ ।
ओलीको पक्षमा बहस गरेका सरकारी तथा निजी कानून व्यवसायीको बहस असाध्यै कमजोर भएको तथा एमिकस क्युरी र रिट निवेदकका तर्फबाट बहस गरेका अधिकाशं कानून व्यवसायी हावी भएको अवस्था छ ।
९५ वर्षका वरिष्ठ कानून व्यवसायीदेखि भर्खरका अधिवक्ता हुँदै गरेकाले समेत प्रतिनिसभाको विघटन अवैधानिक भएको भन्दै जमेर बहस गरेपनि सर्वोच्च अदालत अब एउटा निर्णयमा पुग्ने अवस्थामा आइपुगेको छ ।
सर्वोच्चले प्रतिनिसभा विघटनको विषय गैरकानूनी र असंवैधानिक भन्ने फैसला गरेको दिन खड्ग ओलीको राजनीतिक जीवन सकिनेछ । पार्टीका कुनै पनि निकायमा बहुमत नभएका ओली त्यसपछि पार्टी बिहिन समेत बन्ने अवस्था आउनेछ । उनले नियुक्ति गरेकाहरुको समेत जागिर सकिनेछ । त्यस्तो अवस्थामा पनि प्रधानमन्त्रीको पदमा लिसो टासिए झै टासिने गरी ओलीले षड्यन्त्रको तानाबाना बुनिकसका छन् ।
पैसाको खोलो बगाएर भएपनि संसदीय दलमा बहुमत पु¥याउने गरी तयारी गरिएको छ । तर, परिस्थिती यस्तो बन्दै गएको छ कि प्रचण्ड माधव नेपाल नेतृत्वको नेकपाको पक्षमा मात्रै झण्डै १२५ सांसद उभिने अवस्था बनेको छ । त्यसो भएको खण्डमा ओलीतिर लागेका अरु सांसद समेत नेकपाको मूल नेतृत्वको वरीपरी गोलबन्द हुने देखिन्छ । त्यसकारण संसदमा बहुमत पु¥याउन प्रचण्ड नेपाल नेतृत्वको नेकपालाई कुनै आइतबार कुर्नुपर्नेछैन ।
त्यस्तो अवस्थामा ओलीले भने नेपाली काँग्रेसलाई अगाडि सार्ने सम्भअवना पनि उत्तिकै रहेको छ । प्रतिनिधिसभा विघटनको विपक्षमा रहेको काँग्रेसले पनि साथ दिने सम्भावना असाध्यै कम रहेको छ । उता प्रचण्ड र नेपाल नेतृत्वको नेकपा र राष्ट्रिय जनता पार्टीको संयुक्त गठबन्धन बन्ने अवस्था बन्दै गएको छ । त्यसो हुँदा सानो झण्डको ओली गुट र काँग्रेस सरकार बाबहिर रहने अवस्था पनि आउन सक्छ ।
तर, पछिल्ला दिनमा क्रमशः प्रतिनिधिसभा पुनः स्थापना हुने सम्भावना बढ्दै गएपछि ओलीसँगै शेरबहादुर देउवालाई समेत छटपटी बढेको छ । नेकपाको मूल पार्टीले पनि नेपाली काँग्रेसलाई स्वीकार गर्न सकिने बताएको छ । तर, ओलीसँग मिलेर संवैधानि कू गर्न लगाएका शेरबहादुर भने ज्योतिषीले आफूलाई सात पटक प्रधानमन्त्री हुने योग रहेको भन्दै रमाउन थालेका छन् ।
उनले पार्टीभित्रको विरोधलाई समेत वास्था नगरी ओलीसँग सति जाने तयारीमा रहेको स्रोतको दावी छ । त्यस्तो अवस्थामा काँग्रेसभित्रको अर्को समूहले पार्टी नेतृत्व विरुद्ध विद्रोह गर्ने साहस देखाउनुपर्नेछ । किनकी संविधान मास्ने ओलीले देउवालाई दिएको उधारो प्रधानमन्त्रीको आश्वासन पूरा नहुने बढी सम्भावना छ । त्यसकारण पनि ओली र देउवाको गलत साठगाँठ भत्काउन पनि तत्काल काँग्रेसजनले पहलकदमी लेओस् ।
अन्यथा प्रतिगमन झनै मौलाएर जाने सम्भावनालाई नर्कान सकिदैन । दौरा सुरुवाल सिलाएर बस्ने कि संविधानलाई मूलमार्गमा ल्याउने दायित्व पुनः एक पटक काँग्रेसको हातमा आएको छ । यस्तो विषम अवस्थामा काँग्रेसले के निर्णय गर्छ, यो नै देशका लागि महत्वपूर्ण आधार बन्न सक्छ । अन्यथा संविधान नै नरहने अवस्था समेत सिर्जना भएको छ । यस्तोबेला विवेक पु¥याएर निर्णय गर्नुपर्ने हुन जान्छ ।
प्रतिक्रिया दिनुहोस
सफल खबर संवाददाता
आइतबार, ०९ फागुन २०७७, १८ : ५२
लेखकबाट थप
सम्बन्धित समाचारहरु
प्रदेश प्रमुखले संविधान विपरीत काम गरिरहेको कांग्रेसको निष्कर्ष
काँग्रेसलाई समुदायमा फर्काएका छौँ, अब हिँड्ने हो : गगन थापा
सहकारी ठगी प्रकरणमा कांग्रेसले भन्यो – अब गृहमन्त्रीले राजीनामा दिनुपर्छ
कांग्रेसद्वारा सल्यानका सभापतिमाथि भएको सांघातिक आक्रमणको भर्त्सना
काँग्रेसले सुदूरपश्चिममा नाउपाका लक्ष्मणकिशोरलाई समर्थन गर्ने
कांग्रेस संसदीय दलको बैठक बस्दै