पुर्व प्रधानमन्त्री भट्टराईको ट्वीट : ‘प्रधानमन्त्री ओलीले लोकतन्त्रविरुद्ध खड्ग प्रहार गरिरहँदा अरु तमासे’

काठमाडौं ।  पूर्व प्रधानमन्त्री एवम् समाजवादी पार्टी नेपालका संघीय परिषद् अध्यक्ष डा. बाबुराम भट्टराईले प्रधानमन्त्री केपी शर्मा ओलीले संविधान, कानून र लोकतन्त्र विरुद्ध खड्ग प्रहार गरिरहेको आरोप लगाएका छन् । 

शनिवार सामाजिक संजाल ट्वीटरमा ट्वीट गर्दै उनले प्रधानमन्त्री ओलीले लोकतन्त्रविरुद्ध खड्ग प्रहार गरिरहँदा अरु तमासे बनिरहने भन्दै प्रतिप्रश्न गरेका छन् ।

टवीटमा उनले खड्गप्रसादले संविधान,कानून,लोकतन्त्र विरूद्ध खड्ग प्रहार गरिरहने,अरू तमासे बनिरहने, प्रतिनिधिसभा विघटन, संवैधानिक परिषद् वस्तुत विघटन र खल्तीबाट आयोगहरू पूर्ति, प्रदेशप्रमुख बर्खास्त, सचिव र कर्मचारीहरूको पजनी, फाष्ट ट्र्याक, तल्लो अरूण झ्वाम्म, नभुलौं (हिटलर) लोभी र कायरकै काँध चढेर आएको थियो ।