मोटरसाइकल र ट्रक ठोक्किँदा आगलागी, दुई जनाको मृत्यु

धादिङ  ।  पृथ्वीराजमार्गअन्तर्गत धादिङको थाक्रे गाउँपालिकामा मोटरसाइकल र ट्रक एकआपसमा ठक्कर खाँदा मोटरसाइकलमा आगलागी भएको छ । आगलागीमा दुईजनाको मृत्यु भएको छ।

थाक्रेको वडा नम्बर ८ को चार किलोस्थित एभरेष्ट पम्पनजिकै ट्रक र मोटरसाइकल जुधेका थिए।  लगत्तै आगो लाग्दा मोटरसाइकमा सवार दुईजनाको जलेर मृत्यु भएको प्रहरीको भनाइ छ। मृतकको सनाखत हुन बाँकी छ । 

गल्छिबाट काठमाडौंतर्फ जाँदै गरेको बा प्र ३–०२–००९प ८२३० नम्बरको मोटरसाइकल विपरीत दिशाबाट आउँदै गरेको ना १ क ६५४७ नम्बरको ट्रकसँग ठोक्किएको थियो ।