ओलीले गर्छन् पञ्च-याली, हामी गर्छौँ जनआन्दोलन : प्रचण्ड

काठमाडौं  । नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले केपी ओलीले पञ्च¥याली गरे पनि आफूहरुले जनआन्दोलन गरेको बताएका छन् । प्रधानमन्त्री केपी ओलीले प्रतिनिधिसभा विघटन गरेको विरोधमा बिहीबार गरेको आम हड्तालमा सहभागी हुँदे प्रचण्डले अब जनआन्दोलन गर्ने बताए ।

‘अब हामी जनआन्दोलन गर्दै जान्छौँ, जनआन्दोलन सुरु भइसक्यो, केपीजी त पञ्चर्याली गर्दै छन्’ प्रचण्डले भने, ‘ओलीको समर्थनमा हुने प्रदर्शन पञ्चे र्याली मात्र हो । उनले यो आन्दोलन ७० वर्ष लामो नेपाली जनताको संघर्षबाट प्राप्त उपलब्धिको रक्षाका लागि भएको बताए । ७० वर्षदेखि नेपाली जनताले ल्याएको उपलब्धिको रक्षाका लागि भएको आन्दोलन जनआन्दोलन नै भएको बताए । 

प्रचण्डले संविधान मिचिएकाले कांग्रेस लगायत अन्य दल र नागरिक समाजसमेत सडक आन्दोलनमा आउने बताए । उनले फागुनदेखि संयुक्त आन्दोलन हुने र केपी ओलीलाई त्यही आन्दोलनले बढार्ने बताए । उनले यो आन्दोलन लोकतन्त्रको रक्षाको लडाइँका लागि भएको बताए ।