बलेवा । साहित्यकार मोहनबहादुर मल्लको स्मृति दिवसका अवसरमा शोधकर्ता डा षडानन्द पौडेललाई पुरस्कृत गरिने भएको छ । मल्लको कृतिहरुमा शोध गरेका पौडेलको योगदानको मूल्याङ्कन गर्दै सो पुरस्कार दिन लागिएको हो ।
मोहनबहादुर मल्ल स्मृति प्रतिष्ठान समितिले स्थापना गरेको रु २५ हजार राशिको मोहनबहादुर मल्ल पुरस्कार २०७७ पहिलोपटक प्रदान गर्न लागिएको समितिका अध्यक्ष काजी रोशनले बताए।
_20231127105311.gif)
मल्लको ११०औँं जन्मजयन्तीको अवसरमा माघ २३ गते सो पुरस्कार समर्पण गरिने छ । पर्वतको मल्लाजमा जन्मिएका नेपाली साहित्य, उपन्यासलगायतको लेखन विधाका उत्कृष्ठ व्यक्तित्वको रुपमा गनिन्छन्।
शोधकर्ता डा पौडेलले मल्लका उपन्यासमा यथार्थतावाद विषयमा पहिलो पटक विद्यावारिधि गरेका थिए । उनि त्रिभुवन विश्वविद्यालयको नेपाली विभागका प्राध्यापक छन् ।
प्रतिक्रिया दिनुहोस
रासस
मंगलबार, २० माघ २०७७, १३ : ५९
लेखकबाट थप