पौडेल र सिटौला आक्रामक बन्दा दबाबमा देउवा

सरकारले गरेको प्रतिनिधिसभा विघटनलाई केन्द्रीय समिति बैठकबाटै असंवैधानिक तथा अलोकतान्त्रिक कदम भनेको नेपाली काँग्रेसभित्र ‘पुनःस्थापना’ को पक्षमा भने प्रस्ट दुई धार देखिएको छ ।

काँग्रेसभित्रको सभापति शेरबहादुर देउवा समूह केन्द्रीय समिति बैठकबाटै संसद विघटनलाई ‘असंवैधानिक तथा अलोकतान्त्रिक कदम’ भन्न मन्जुर भएपनि बैठकको निर्णयमा हालसम्म ‘पुनःस्थापना’ भन्ने शब्द राख्न तयार छैन । 

सो समूहले सरकारले घोषणा गरेको निर्वाचनका पक्षमा नेता कार्यकर्तालाई परिचालित हुन निर्देशन गर्दै आइरहेको छ । तर संस्थापन इतरपक्षका वरिष्ठ नेता रामचन्द्र पौडेल र नेता कृष्ण प्रसाद सिटौलाले भने पुनःस्थापनालाई नै जोडतोडका साथ उठाएका छन् ।

त्यसका कारण देउवा दबाबमा रहेको आशयको खबर राजधानी दैनिकमा छापिएको छ ।