स्वर्गीय अभिनेता सुशान्त सिंहका आफन्तमाथि गोली प्रहार

काठमाडौं । दिउँसै बाइकमा सवार हतियारधारीहरुले गोली हानेर यामहा शोरुमका मालिक राजकुमार सिंह तथा उनका सहयोगीलाई घाइते बनाएका छन् । राजकुमार स्वर्गीय अभिनेता सुशान्त सिंहका आफन्त हुन् ।

घटनामा राजकुमारका सहयोगी आमिर हसन पनि घाइते भएका छन् ।आमिरको अवस्था गम्भिर छ ।  घटनालगत्तै परिवारले राजकुमार सिंह र उनका सहयोगीलाई उपचारका लागि गंगजला चोकस्थित निजी क्लिनिकमा भर्ती गरेको छ ।

राजकुमारको खुट्टामा गोली लागेको छ, अर्का घाइते बैजनाथपुर निवासी आमिर हसनको कम्मरमा गोली लागेको छ र अवस्था गम्भिर छ ।