काठमाडौं । निर्वाचन आयोगमा नेपाल कम्युनिस्ट पार्टी (नेकपा) का दुई पक्षबीच हुने भनिएको छलफल औपचारिक रूपमा बस्न सकेन । आयोगले शुक्रबार निर्वाचन प्रयोजनका लागि दल दर्ता गर्नेसम्बन्धी सूचना प्रकाशन र निर्वाचनको तयारीका सम्बन्धमा छलफल गर्न दुवै पक्षलाई बोलाएको थियो ।
आयोगले बुधबार नै नेकपाका दुई अध्यक्ष केपी शर्मा ओली र पुष्पकमल दाहाल प्रचण्डलाई छुट्टाछुट्टै पत्र लेखी छलफलका लागि बोलाएको थियो । आयोगले अध्यक्ष वा अध्यक्षले तोकेको आधिकारिक प्रतिनिधि र निर्वाचन तथा कानुन विषय हेर्ने प्रतिनिधिसमेत पाँच, पाँच जना उपस्थितिका लागि पत्र पठाएको थियो । आगामी निर्वाचनको दल दर्ता गर्ने प्रयोजनका लागि सूचना प्रकाशन गर्ने समय आउन लागेको भन्दै छलफलका लागि बोलाइएको हो ।
आयोगका प्रवक्ता राजकुमार श्रेष्ठले दुवै पक्षसँग निर्वाचनमा एउटै पार्टी भएर आउने वा फरक पार्टी भएर आउने भन्ने सम्बन्धमा छलफल गर्न लागिएको जानकारी दिए । आयोगले निर्वाचनको तयारीका सम्बन्धमा दलहरूसँग छलफल गर्ने प्रक्रिया रहेको छ । ओली पक्षीय प्रतिनिधिहरू र आयोगका पदाधिकारीहरूबीच अनौपचारिक छलफल भएको छ । निर्वाचनको तयारीका सम्बन्धमा अनौपचारिक छलफल भएको आयोगका प्रवक्ता श्रेष्ठले जानकारी दिए । गोरखापत्रमा खबर छ ।
प्रतिक्रिया दिनुहोस
पत्रपत्रिकाबाट
शनिबार, १७ माघ २०७७, ०८ : ०६
लेखकबाट थप
सम्बन्धित समाचारहरु
रास्वपाका चार सांसदलाई निर्वाचन आयोगले तोकेको जरिवाना बदर
राजनीतिक दलसम्बन्धी ऐन संशोधनका लागि निर्वाचन आयोगले माग्याे सुझाव
राजनीतिक दलसम्बन्धी ऐन संशोधन गर्दै आयोग, सबैसँग सुझाव माग
वैशाख १५ गते हुने उपनिर्वाचनका लागि २० दलको निवेदन (नामसहित)
रेशम चौधरी अध्यक्ष बन्न अयोग्य ठहर
उपनिर्वाचनका लागि चैत २४ गते उम्मेदवारी मनोनयन