एक जनप्रतिनिधीको बुवाको निधन भएको शोकमा सार्वजनिक बिदा

काठमाडौं। झापामा एक जनप्रतिनिधीको बुवाको निधन भएको शोकमा नगरपालिका भित्र सार्वजनिक बिदा दिईएको छ । झापाको कनकाई नगरपालिकाले मेयर राजेन्द्र पोखरेलको बुवाको निधन भएको शोकमा बिहीबार नगरपालिकाभर सार्वजनिक विदा दिएको छ।  

नगरपालिकाले उनको निधनको शोकमा बिहीबार एक दिन नगरपालिकाभर सार्वजनिक विदा दिएको हो। गणेशप्रसाद पोखरेल तत्कालीन सुरुङ्गा गाउँ पञ्चायतमा चार पटकसम्म प्रधानपञ्च बनेका थिए। मेयर पोखरेलका बुवा गणेशप्रसाद पोखरेलको ८७ वर्षको उमेरमा यही पुस १५ गते निधन भएको थियो ।

नगरपालिकाका प्रमुख प्रशासकीय अधिकृत मोहन प्रसाद न्यौपानेले जारी गरेको सार्वजनिक सूचना जारि गर्दै  आज कनकाई नगरपालिकाको कार्यालय, मातहतका सबै वडा कार्यालयहरु, स्वास्थ्य संस्था तथा शैक्षिक संस्थाहरुमा समेत सार्वजनिक विदा दिइएको उल्लेख छ।