माधव नेपालले प्रधानमन्त्री ओलीसँग झेक्किदैं भने– ‘काँइते कुरा अझै कति गर्ने ?’

सफल खबर संवाददाता

विहीबार, ०२ पुस २०७७, ०८ : ४३
माधव नेपालले प्रधानमन्त्री ओलीसँग झेक्किदैं भने– ‘काँइते कुरा अझै कति गर्ने ?’

काठमाडौं । प्रधानमन्त्री केपी ओली र नेकपाका वरिष्ठ नेता माधव नेपाल बीच फेरि भनाभन चलेको छ । बुधबार बसेको नेकपा स्थायी समिति बैठकमा ओलीको अभिब्यक्तीप्रति चित्त नबुझाएर वरिष्ठ नेता नेपालले प्रधानमन्त्रीलाई काँइते र जालसाजी कुरा नगर्न भनेका हुन् ।

Yeti Diistillery Tansen Cement box

महासचिव विष्णु पौडेल, स्थायी समिति सदस्यहरु शंकर पोखरेल, सुवास नेम्वाङ र घनश्याम भुषाललाई साक्षी राख्दै दुई अध्यक्ष प्रचण्ड र ओलीबीच सम्वैधानिक परिषद सम्बन्धी अध्यादेश प्रधानमन्त्रीले फिर्ता लिने र संसदको विशेष अधिवेशन बोलाउन समावेदन प्रचण्ड माधव नेपाल समुहले फिर्ता लिने समझदारी बनेपछि हिजो बुधबारको नेकपा स्थायी समिति बैठक बसेको थियो ।  यही निर्णय लिन बसेको बैठकमा प्रचण्डले यो विषय प्रष्टाएपनि ओलीले बोल्ने क्रममा अध्यादेश फिर्ताको विषय उच्चारण गरेनन् । बरु उनले अध्यादेश अगाडी बढाउनु पर्नाको लामो फेहरिस्त राखे ।

नेपालले ओलीलाई सधै जालसाजी र काँइते कुरा गरेर नेताहरुको बुद्धि नभुट्न आग्रह गर्दै प्रष्ट कुरा गर्न आग्रह गरे । तर ओली नेपालको कुरामा केही बोलेनन् । अध्यादेश फिर्ताका सवालमा पनि उनले केही बोलेनन् । त्यसपछि बीचमै ओली र प्रचण्डको छलफलमा सहभागी मध्येकै एक स्थायी समिति सदस्य घनश्याम भुषालले दुई अध्यक्षका बीचमा भएको छलफलको बेलिबिस्तार लगाएका थिए । 

काँग्रेस सभापति शेरबहादुर देउवासँगको सहमतिमै अध्यादेश आएको तर उनले पनि पछि बोली फेरेको जस्ता तर्क ओलीले बोल्ने क्रममा राखे । त्यसपछि पनि अध्यादेश फिर्ताको विषयमा उनले कुनै तर्क गरेनन्, बरु अझै पनि सचिवालयमा उपाध्यक्ष वामदेव गौतमलाई भड्काउने र आफुतिर लोभ्याउने रणनीति अन्र्तगत अबको प्रधानमन्त्री वामदेव गौतमलाई बनाउ भनेर अस्त्र फाल्न खोजे । तब वरिष्ठ नेता नेपाल ओलीसँग झेक्किएका थिए ।

नेपालले ओलीतिर हेर्दै भने, –’तपाईको कुरा नै काँइते भयो । अध्यादेश फिर्ता हो की होइन ? त्यो बोल्नुस्, तपाईहरु दुई अध्यक्षमा भएको के हो ? प्रचण्ड जी अध्यादेश फिर्ता लिन प्रधानमन्त्री सहमत भएको भन्नुहुन्छ, तपाई फिर्ता लिने नलिने बारेमा केही बोल्नु हुन्न ? यो फिर्ता हो की होइन् ? स्पष्ट भन्नुहोस् ? अझ तपाई काँग्रेस सभापतिसँग सहमतिमा अध्यादेश ल्याएको भन्नुहुन्छ, म आफैंले शेरबहादुर जीलाई फोन गरेर सोधेको थिए, के तपाईको पनि सहमति हो अध्यादेश ल्याउन भनेर ।

तर उहाँले कही त्यस्तो केही सहमति भएको छैन् । प्रधानमन्त्रीले सभामुख जस्तो गरिमामय ब्यक्तित्वलाई विश्वासमा नलिई कोरम पुगेन भनेर भन्नु हाँस्यास्पद छ, संसदको अधिवेशन बोलाउनु पर्ने सम्मुखमै त्यसलाई छलेर अध्यादेश ल्याउने कुरामा मेरो सहमति कही कतै हुदैंन र छैन भन्नुभएको छ । यो तपाईको कुरै बुझिएन, प्रष्ट भन्नुस् ?’

नेपालले ओलीलाई सधै जालसाजी र काँइते कुरा गरेर नेताहरुको बुद्धि नभुट्न आग्रह गर्दै प्रष्ट कुरा गर्न आग्रह गरे । तर ओली नेपालको कुरामा केही बोलेनन् । अध्यादेश फिर्ताका सवालमा पनि उनले केही बोलेनन् । त्यसपछि बीचमै ओली र प्रचण्डको छलफलमा सहभागी मध्येकै एक स्थायी समिति सदस्य घनश्याम भुषालले दुई अध्यक्षका बीचमा भएको छलफलको बेलिबिस्तार लगाएका थिए । 

उनले भनेका थिए,– प्रधानमन्त्रीले पनि अध्यादेश फिर्ता लिने, अर्काे समुहका नेताहरुले पनि विशेष अधिवेशन बोलाउन राष्ट्रपति कँहा लगेको समावेदन फिर्ता लिने, अर्काे स्थायी समिति बैठक पुस ५ गते बस्ने, त्यहाँ अन्य विषय छलफलमा लाने, केन्द्रीय समिति बैठक ५ दिन पछि सारेर पुस १० मा बस्ने । यही हो दुई अध्यक्षमा भएको सहमति । यसमा अब कसैले दाँयाबाँया कुरै छैन् ।’ त्यसपछि दुई अध्यक्षकै छलफलमा रहेका सुवास नेम्वाङले पनि त्यही स्पिरिटमा कुरा राखेका थिए । अर्का स्थायी समिति सदस्य शंकर पोखरेलले भने अन्य विषयमा पनि अब छलफल गरेर दुई अध्यक्षका बीचमा सहमति खोज्नुपर्ने बताएका थिए ।  

तर कमजोर बनेका ओली आफ्नो अध्यादेश फिर्ता लिन बाध्य भएपछि बालुवाटारले भने प्रचण्डको प्रस्ताव पनि फिर्ता भएको, भदौं २६ मा फर्किने सहमति भएको जस्तो अर्नगल प्रचारबाजी गरेका थिए । भ्रम फैलाउने गरी बालुवाटारले गरेको प्रचार पनि धेरै टिक्न सकेन् । प्रचण्ड सचिवालयले त्यसलाई तुरुन्तै खण्डन गरिदियो । अब पुस ५ को स्थायी समिति बैठकमा पार्टीमा पेश भएका प्रचण्ड, ओली दुवैका दस्तावेजहरुमाथी छलफल हुनेछ ।
 

प्रतिक्रिया दिनुहोस