चितवनमा बिपी स्मृति भवन शिलान्यास, वरिष्ठ समाजसेवी मैयाँदेवी श्रेष्ठले उपलब्ध गराइन् जग्गा

रासस

सोमबार, १५ मंसिर २०७७, १६ : २७
चितवनमा बिपी स्मृति भवन शिलान्यास, वरिष्ठ समाजसेवी मैयाँदेवी श्रेष्ठले उपलब्ध गराइन् जग्गा

चितवन । वरिष्ठ समाजसेवी मैयाँदेवी श्रेष्ठले बिपी स्मृति भवन निर्माणका लागि भरतपुर महानगरपालिका–११ मा करीब १३ धुर जमीन उपलब्ध गराएकी छिन् । 

Yeti Diistillery Tansen Cement box

नेपाली काँग्रेस चितवनका सभापति जीतनारायण श्रेष्ठले आज भवनको शिलान्यास गर्दै समाजसेवी मैयाँदेवीले काँग्रेसको केन्द्रीय कार्यालयदेखि जिल्ला र वडासम्मलाई जग्गा उपलब्ध गराएर सहयोग भएको बताए । 

काँग्रेस भरतपुर–११ ले निर्माण गर्न लागेको भवनका लागि पार्टीले आवश्यक सहयोग गर्ने जानकारी उनले दिए । पार्टी वडा समितिका उपसभापति महेश्वर ढकालका अनुसार सो भवन रु एक करोडको लागतमा अत्याधुनिक तीन तलाको हुने छ ।  

Upakar

भवन निर्माणका लागि समाजसेवी श्रीप्रकाश कँडेलको संयोजकत्वमा आर्थिक समिति र कविराज अधिकारीको संयोजकत्वमा निर्माण समिति गठन गरिएको छ । सोही भवनको नजिक तीन वर्षअघि समाजसेवी मैयाँदेवीले नै उपलब्ध गराएको जमिनमा नेपाल प्रेस युनियनले ‘मैयाँदेवी सूचना केन्द्र’ निर्माण गरेको छ । 

प्रतिक्रिया दिनुहोस