चितवन । नारायणगढ–मुग्लिन सडकखण्डमा आज मोटरसाइकल दुर्घटना हुँदा एक जनाको मृत्यु भएको छ भने अर्का एक जना गम्भीर घाइते भएका छन् ।
इच्छाकामना गाउँपालिका–६ चेपाङडाँडास्थित सडकबाट मोटरसाइकल अनियन्त्रित भई त्रिशूली नदीमा खस्दा सो दुर्घटना भएको हो । जिल्ला प्रहरी कार्यालय चितवनका अनुसार मृत्यु हुनेमा मोटरसाइकलको पछाडि सवार पर्वत जिल्ला कुश्मा नगरपालिका–१४ का २६ वर्षीय भेषबहादुर क्षेत्री रहेका छन् । सोही ठाउँ बस्ने मोटरसाइकल चालक अनिल विक गम्भीर घाइते भएका छन् ।
नारायणगढबाट मुग्लिनतर्फ जाँदै गरेको ग७प २०२३ नम्बरको मोटरसाइकल साँझ ५ः५० बजेको समयमा अनियन्त्रित भई सडकदेखि ५० मिटर तल त्रिशूली नदीमा खसेको प्रहरीले जनाएको छ ।
घटनामा परी गम्भीर घाइते क्षेत्रीको कलेज अफ मेडिकल साइन्सेस शिक्षण अस्पताल (पुरानो मेडिकल कलेज) भरतपुरमा उपचारका क्रममा साँझ ६ः४० बजे मृत्यु भएको हो । गम्भीर घाइते विकको सोही अस्पतालमा उपचार भइरहेको प्रहरीले जनाएको छ ।
प्रतिक्रिया दिनुहोस
रासस
बुधबार, ०३ मंसिर २०७७, २१ : १३
लेखकबाट थप
सम्बन्धित समाचारहरु
पिकअपको ठक्करबाट ट्रक चालकको मृत्यु
माडी जाँदै गरेको बसले साइकललाई ठक्कर दिँदा एक जना गम्भीर घाइते
स्याङजामा जिप दुर्घटना हुँदा नौ जना घाइते
बसको ठक्करबाट मोटरसाइकलमा सवार २ जनाको मृत्यु
मध्यविन्दुमा मोटरसाइकल दुर्घटना, एकको मृत्यु, दुईजना घाइते
चीनमा सुरुङ मार्गभित्र बस दुर्घटना : १४ जनाको मृत्यु, ३७ घाइते