भारतमा जुवा खेलाउने दुईजना नेपाली पक्राउ

काठमाडौं । नेपालका विभिन्न जिल्लाबाट युवालाई प्रलोभनमा पारेर भारतका सिक्किम र गोवामा पुर्‍याई जुवा खेलाउने गिरोहका २ नेपाली उपत्यकाबाट पक्राउ परेका छन् । 

उनीहरूलाई महानगरीय प्रहरी अपराध महाशाखाको टोलीले ८ लाख नगदसहित पक्राउ गरेको हो । महाशाखा प्रमुख एसएसपी दीपक थापाका अनुसार प्यूठान नौबहिनी गाउँपालिका–४ घर भई ललितपुर झम्सिखेल बस्दै आएका दीपक गुरुङ भनिने ३८ वर्षीय डुवलाल घर्तीमगरलाई नागपोखरी र २० वर्षीय सुनील पुनमगरलाई इमाडोलबाट पक्राउ गरिएको छ । अर्का एक जना फरार छन् । 

सिक्किम र गोवामा पुगी जुवाबाट हारेर आएका व्यक्तिले दिएको निवेदनका आधारमा प्रहरीले अनुसन्धान अघि बढाएको थियो । कान्तिपुरमा खबर छ ।