बर्दियामा कोरोना संक्रमणबाट एक पुरुषको मृत्यु

बर्दिया । बर्दियामा कोरोना संक्रमणबाट एकजना पुरुषको मृत्यु भएको छ । मृत्यु हुनेमा ठाकुरबाबा नगरपालिका—६ का ४२ वर्षीय पुरुष रहेका छन् ।

जिल्ला स्वास्थ्य कार्यालयका प्रमुख गोकर्ण गिरीले कोरोना संक्रमण भएका ती पुरुषको भेरी अस्पताल नेपालगन्जमा आइतबार बिहान २ बजे मृत्यु भएको बताए ।

उनका अनुसार असोज १५ गते बिरामी भएपछि कोहलपुरस्थित नेपालगन्ज शिक्षण अस्पतालमा उपचारका लागि भर्ना भएका थिए । असोज १७ गते स्वाब परीक्षण गर्दा कोरोना पोजिटिभ भएको थियो ।

उनको थप उपचारका लागि भेरी अस्पतालमा ल्याइएको थियो । योसँगै बर्दियामा कोरोनाबाट मृत्यु हुनेको संख्या ६ पुगेको छ । जिल्लामा हालसम्म कोराना संक्रमितको संख्या ९ सय ७ पुगेको छ ।