CG Landmark

सम्बैधानिक नियुक्तिमा काँग्रेसले खोज्यो भाग

सफल खबर संवाददाता

विहीबार, ०१ असोज २०७७, ०८ : ४२
सम्बैधानिक नियुक्तिमा काँग्रेसले खोज्यो भाग

काठमाडौं । प्रतिपक्ष काँग्रेसले सम्बैधानिक नियुक्तिमा आफनो पनि भाग खोजेपछि लामो समय देखि अवरुद्ध सम्बैधानिक नियुक्तिका विषयमा आज (बिहिबार) सत्ता र प्रतिपक्ष बीच सम्वाद हुने भएको छ ।

नेकपा नेतृत्वको सरकारले सम्वैधानिक नियुक्तिमा एकलौटी गरेको र प्रतिपक्ष काँग्रेसलाई पनि भाग दिन नखोजेको आरोप लगाएपछि सम्बैधानिक परिषद्को बैठक नै लामो समय सम्म हुन सकेको थिएन् । काँग्रेस सभापति शेरबहादुर देउवा प्रमुख प्रतिपक्ष दलका नेता रहेका कारण सम्बैधानिक परिषद्मा उनी स्वत पदेन सदस्य छन् । 

Yeti Diistillery Tansen Cement box

प्रमुख प्रतिपक्ष दलका नेता उपस्थित नभई हुने परिषद् बैठकको निर्णय मान्य नहुने अवस्थामा देउवाले आफ्नो तर्फबाट पनि नियुक्तिमा भागबण्डा खोजेपछि प्रधानमन्त्री केपी ओलीले यस अगाडी नै परिषद््को काम कर्तब्य र अधिकार सम्बन्धी ऐन संसोधन गर्न विधेयक ल्याउने प्रयास गरेका थिए । प्रमुख प्रतिपक्ष दलका नेता सहभागी नभएपनि बैठक बस्न सक्ने र निर्णय लिन सक्ने गरी ओलीले ल्याउन खोजेको विधेयक अन्ततः फिर्ता भएपछि फेरि भागबण्डाकै राजनीति शुरु भएको थियो । 

लामो समय देखि सम्बैधानिक निकायका विभिन्न पद रिक्त रहदै आएको छ । अब काँग्रेसको समेत भागबण्डा चित्त बुझाउँदै नियुक्ति प्रक्रिया अगाडी बढाउन सत्तारुढ दल नेकपाले आज प्रमुख प्रतिपक्ष काँग्रेससँग छलफल गर्न लागेको हो । छलफल प्रधानमन्त्रीको सरकारी निवास बालुवाटारमा हुनेछ । नेकपाका अध्यक्षद्दय प्रधानमन्त्री केपी ओली र पुष्पकमल दाहाल प्रचण्ड बीच बुधबार भएको छलफलले आज वार्ता तय भएको हो ।  

छलफलमा नेकपाका तर्फबाट प्रधानमन्त्री ओली, अध्यक्ष प्रचण्ड, संसदीय दलका उपनेता सुवास नेम्वाङ सहभागी हुनेछन् । त्यस्तै काँग्रेसका तर्फबाट सभापति शेरवहादुर देउवा र केन्द्रीय सदस्य रमेश लेखक सहभागी हुनेछन् ।१३ सम्बैधानिक आयोग मध्ये १० वटामा गरी कुल ४० पद अहिले रिक्त छ । अख्तियारमा ३ , निर्वाचन आयोगमा २, मुस्लिम आयोगमा ४, थारु आयोगमा ४, राष्ट्रिय प्राकृतिक स्रोत तथा वित्त आयोगमा ४, समावेशी आयोगमा ४, दलित आयोगमा ५, महिला आयोगमा ५, मधेसी आयोगमा ४ र आदिवासी जनजाति आयोगमा ५ सदस्य नियुक्त गर्न बाँकी छ । अहिलेसम्म पनि मधेसी, दलित र आदिवासी जनजाति आयोगले अध्यक्ष पाएका छैनन् ।

यी आयोगमा अध्यक्षसहित ४ जना अन्य पदाधिकारी रहने व्यवस्था रहेको छ । त्यस्तै केही विश्वविद्यालयका उपकुलपति र पदाधिकारी पनि रिक्त छ । यसमा पनि प्रतिपक्ष काँग्रेसले चासो राख्दै आएको छ ।