यातायात व्यवसायीको घोेषणा : असोज १ देखि सार्वजनिक यातायात चलाउँछौँ

काठमाडौँ । यातायात व्यवसायीहरुले असोज १ गतेदेखि सार्वजनिक सवारी साधन सञ्चालन गर्ने घोषणा गरेका छन् । बुधबार यातायात व्यवसायी, यातायात व्यवस्था विभाग र तीन वटा मजदुर संगठनको संयुक्त बैठकमा यस्तो घोषणा गरेका हुन् । 

व्यवसायी र मजदुर संगठनले यातायात खुलाउन सरकारले सहजीकरण नगरे विश्वकर्मा पुजाको दिन पारेर असोज १ देखि लामो तथा छोटो दुरीका सम्पूर्ण यातायात चलाउने घोषणा गरेका हुन् ।

सरकारले यातायात संचालनका लागि सहजीकरण नगरे व्यवसायीहरुले यातायात चलाउने जानकारी विभागलाई गराएका छन् ।यातायात व्यवस्था विभागका महानिर्देशक गोगनबहादुर हमालका अनुसार कोरोना संक्रमण कम भएका ठाउँमा यातायात चलाउन सकिनेछ । गत चैत ११ गते लकडाउन गरिएपछि लामो दूरीका सवारीसाधन चल्न सकेका छैनन् ।