गोरु काटेको निहुँमा झापामा झडप, इन्स्पेक्टरसहित तीन जना घाइते

काठमाडौँ । झापा गाउँपालिका– ३ कामाटोलीमा स्थानीयबासी र प्रहरीबीच झडप भएको छ । झडपमा नेपाल प्रहरीका एक इन्सपेक्टर र सशस्त्र प्रहरीका एक जवान सहित तीनजना घाइते भएका छन् ।

गोली लागि कामाटोलीका ३८ वर्षिय रमिफुन आलम सख्त घाइते भएका छन् । उनलाई उपचारका लागि विर्तामोडस्थित बिएमसी अस्पताल लगिएको छ । 

गोरु काटेको खबर पाएपछि प्रहरीको टोली कामाटोली बजार पुगेको थियो । प्रहरीले घटनास्थलवाट गोरुको टाउको र खुट्टा बरामद गरी फर्कने क्रममा स्थानीयबासीले आक्रमण गरेको सशस्त्र प्रहरीको झापा गाउँपालिकास्थित बिओपीका इन्स्पेक्टर सचन श्रेष्ठले बताए । उनले स्थानीयले आक्रमण गरेपछि प्रहरीले फाइरिङ गरेको पनि बताए ।