देशभर ६ सय ३८ जना प्रहरीमा कोरोना संक्रमण

काठमाडौँ । दिनहुँ कोरोना भाइरसबाट संक्रमित हुनेहरुको संख्या बढेसँगै अहिलेसम्म देशभर दुई डीआईजीसहित ६ सय ३८ जना प्रहरीमा कोरोना संक्रमण पाइएको छ ।

सक्रिय संक्रमितमध्ये १ सय ९३ जना काठमाडौं उपत्यकाका मात्रै छन् । जसमध्ये प्रहरी प्रधान कार्यालयमा कार्यरत १ सय ६० र उपत्यकाका ३३ जना छन् । 

प्रहरी प्रधान कार्यालयका अनुसार प्रदेश १ मा २५, प्रदेश २ मा ३९, वाग्मती प्रदेशमा ४१, गण्डकीमा २३, प्रदेश ५ मा ५५, कर्णाली प्रदेशमा ६ र सुदूरपश्चिम प्रदेशमा ५ जना सक्रिय संक्रमित छन् । हालसम्म २५१ जना डिस्चार्ज भएका छन् ।