वीरगञ्ज । पर्सामा थप ३३ जनामा कोरोना संक्रमण पुष्टि भएको छ । संक्रमण हुनेहरुमा पोखरिया नगरपालिकाका मेयर दीपनारायण रौनियार, पोखरिया अस्पतालका (मेसु अनिल यादव लगायत अन्य स्वास्थ्यकर्मी सहित ३३ जनामा पुष्टि भएको छ ।
नारायणी अस्पतालका प्रमुख मेडिकल सुपरिटेन्डेन्ट डा. मदन उपाध्यायले संक्रमितहरुको काभ्रेको धुलिखेलस्थित पीसीआर प्रयोगशालामा साउन २६ गते गरिएको परिक्षणमा उनीहरुको रिपोर्ट पोजिटिभ देखिएको बताए ।
_20231127105311.gif)
थप संक्रमितहरुमा सोही नगरपालिका वडा नं। ४ का वडाध्यक्ष लक्ष्मण साह कानु, अस्पतालका ४ जना स्वास्थ्यकर्मीमा समेत संक्रमित भएका छन् । यस्तै मेयर रौनियारका स्वकीय सचिव र सवारी चालक पनि संक्रमित छन् ।
पोखरिया अस्पतालका ७ डाक्टरमध्ये मेसुसहित ४ डाक्टर र ४ नर्समध्ये ३ नर्स संक्रमित भएका छन् । यसअघि नै पोखरिया नगरपालिका ४ वडाध्यक्ष, एक डाक्टर, एक नर्स र अन्य ३ स्वास्थ्यकर्मी कोरोना संक्रमित भइ आइसोलेसनमा रहेका छन् ।
प्रतिक्रिया दिनुहोस
सफल खबर संवाददाता
सोमबार, ०१ भदौ २०७७, ०८ : ३०
लेखकबाट थप
सम्बन्धित समाचारहरु
नेपालमा फेरि देखियो कोरोना संक्रमण, ४२ जनामा 'केपी' भेरियन्ट पुष्टि
सुदूरपश्चिममा कोरोना संक्रमणको जोखिम बढ्दै