काठमाडौँ । महोत्तरीमा एउटै वडामा १६ जनालाई विषालु सर्पले टोकेपछि स्थानीयवासी त्रसित भएका छन् । महोत्तरीको भङ्गहा नगरपालिका–५ राजपुरमा पाँच घण्टाको अन्तरालमा १६ जनालाई सर्पले टोकेपछि स्थानीवासी त्रसित भएका हुन् ।
धानखेतमा काम गरिरहेका बेला बिहीबार ४५ वर्षीया जैमुन खातुनलाई विषालु सर्पले टोकेपछि उनको मृत्यु भएको थियो । शुक्रबार साँझ ५ बजेदेखि राति १० बजेसम्म थप १५ जनालाई एउटै सर्पले टोकेको भन्दै अहिले सो गाउँभरि त्रास फैलिएको भङ्गहा नगरपालिकाका प्रमुख सञ्जीवकुमार साहले बताउनुभयो । अहिले त्यहाँका स्थानीयवासी आ–आफ्नै घरमा सतर्क भएर बसिरहेका छन् भने घरबाट निस्कन छाडेको वडाध्यक्ष शिवकुमार महतोले बताउनुभयो ।
शुक्रबार सात मुस्लिम महिला र एक सरदार पुरुषलाई सर्पले टोकेको भन्दै सर्पदंश उपचार केन्द्र बर्दिबासमा भर्ना गराइ उपचार भइरहेको छ भने अन्य सात जनाको स्थानीयस्तरमा उपचार भइरहेको जनाइएको छ । नगरप्रमुख साहले बर्दिबास र स्थानीयस्तरमा उपचाररत सबैको स्वास्थ्य अवस्था सामान्य रहेको बताउनुभयो ।
प्रतिक्रिया दिनुहोस
रासस
शनिबार, ३१ साउन २०७७, २० : १७
लेखकबाट थप
सम्बन्धित समाचारहरु
कपिलवस्तुमा सर्पले डसेर एकै घरका २ बालिकाको मृत्यु
विषालु सर्पले टोक्दा ६५ वर्षीया वृद्धाको मृत्यु
सर्पले टोकेर किशोरीको मृत्यु
नेपाल सर्प महोत्सव : सर्पले टोक्दैमा आत्तिनुहुँदैन
विषालु सर्पले टोकेर एक महिलाको मृत्यु
गोमन सर्पले टोक्दा वृद्धाको मृत्यु