कोरोना अपडेट : थप ४ जनाको मृत्यु, ५९४ जनामा संक्रमण पुष्टि, २४० जना निको भए

काठमाडौं । नेपालमा थप ४ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले आजको नियमित पत्रकार सम्मेलनमा सो जानकारी गराएका हुन् ।

मृत्यु हुनेमा बाराका दुई पुरुष, मोरङका एक पुरुष र सिरहाका एक पुरुष रहेका छन् ।

यससँगै नेपालमा मृत्यु हुने कोरोना संक्रमितको संख्या ९९ पुगेको छ । यस्तै आज थप ५९४ जनामा कोरोना भाइरस संक्रमण पुष्टि भएको छ भने २४० जना निको भएर घर फर्किएका छन् । यस्तै हालसम्म नेपालमा कोरोना संक्रमितको संख्या २५ हजार ५५१ पुगेको छ । जसमध्ये १७ हजार ७७ जना निको भएर घर फर्किएका छन् ।