ओली–प्रचण्ड वार्तापछि प्रचण्ड–माधव समूहको छुट्टै छलफल

काठमाडौं । नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपालसहितका नेता छुट्टै छलफलमा जुटेका छन् । 

बालुवाटारमा ओली र प्रचण्डबीच चार घण्टा कुराकानी भएलगत्तै प्रचण्ड र माधव समूह आन्तरिक छलफलमा जुटेको हो । 

काठमाडौको थापागाउँस्थित एक कलेजमा चार नेताहरुले आफू निकटका प्रदेश ५ का केन्द्रीय सदस्यसँग छलफल गरेका हुन् । 

सोे छलफलमा अध्यक्ष प्रचण्ड, वरिष्ठ नेता माधवकुमार नेपाल, झलनाथ खनाल र प्रवक्ता श्रेष्ठ सहभागी भएको श्रोतले जनाएको छ । छलफलमा नेताहरुले पार्टी विवाद समाधानका लागि सुझाव मागेको बुझिएको छ । 

यसअघि बुधबार पनि प्रचण्ड र नेपाल समूहका नेताले गण्डकी प्रदेशका केन्द्रीय सदस्यसँग छलफल गरेका थिए ।