ओली–प्रचण्डबीचको छलफल सकियो

काठमाडौं । नेकपा अध्यक्षद्वय केपी शर्मा ओली र पुष्पकमल दाहाल प्रचण्डबीच आज भएको छलफल सकिएको छ । उनीहरुबीच आज तीन घन्टा छलफल भएको थियो । 

यसपटकको छलफलमा दुबै अध्यक्षले साक्षी फरेका थिए । अध्यक्ष प्रचण्डसँग वरिष्ठ नेता झलनाथ खनाल थिए भने ओलीसँग नेता सुवास नेम्वाङ थिए । दुई अध्यक्षबाट गत मङ्गलबारको बहुमत स्थायी कमिटी सदस्यको बैठकपछिको संवादहीनता तोड्ने काम छलफलबाट भएको नेताहरुले बताएका छन् । 

एकअर्काबीचका तिक्तता, गुनासा र पार्टीभित्र देखिएको अन्तरसंघर्षका विषयमा दुई अध्यक्षबीच कुरा भएको नेता झलनाथ खनालले बताए । उनको बुझाइमा सकारात्मक छलफलको शुरूआत भएको छ। पार्टीभित्रको विवाद धेरै बाहिर ल्याएर निकास नआउनेमा दुवै अध्यक्ष सहमत देखिनुभएको नेता खनालले बताए । 

दुई अध्यक्षबीच छलफललाई निरन्तरता दिने सहमति पनि बनेको छ। नेकपाभित्रको विवाद उत्कर्षमा पुगेपछि दुई अध्यक्षबीच भएको तिक्तता मेटिएको नेता खनालले बताए ।