ट्राफिक प्रहरीमा कोरोना संक्रमण, एसएसपी ढकाल सहित ३७५ प्रहरी क्वारेन्टिनमा

काठमाडौं । महानगरीय ट्राफिक प्रहरी महाशाखाकाका दुईजनामा कोरोना संक्रमण पुष्टि भएसँगै एसएसपी भीमप्रसाद ढकालसहित ३७५ जनालाई क्वारेन्टीनमा राखिएको हो ।

संक्रमितहरुलाई भने अस्पताल पठाइसकेको छ । महानगरीय ट्राफिक प्रहरी महाशाखा प्रमुख ढकालले भने, ‘म समेत ३७५ जना ब्यारेक–ब्यारेकमै छौं । महाशाखा पूर्ण सिल छ ।’ महाशाखा मातहत ट्राफिक प्रहरीको जनशक्ति १५ सय ४५ जना छ । ३७५ जना क्वारेन्टिनमा गएपछि १ हजार १ सय ७० जना जनशक्ति ट्राफिक व्यवस्थापनका लागि खटाइएको छ ।