चितवन निकुञ्ज प्रमुख रुपाखेती विभाग तानिए, बराल आउँदै

चितवन । माडी कुसुमखोलाको चेपाङ बस्तीमा भएको आगजनी र सेनाको कुटपिटबाट एक जना चेपाङ युवकको मृत्युपछि खुब आलोचना खेपेका चितवन राष्ट्रिय निकुञ्जका प्रमुख संरक्षण अधिकृत नारायणप्रसाद रुपाखेतीलाई विभागमा तानिएको छ। 

चेपाङ युवकको मृत्यु र कुसुमखोलाको चेपाङ बस्तीमा भएको आगजनीको विषयलाई लिएर निकुञ्ज प्रमुख रुपाखेतीले थुप्रै प्रश्नको सामना गर्न परेको थियो । चितवन  निकुञ्जमा रुपाखेतीको कार्यशैलीको विषयलाई लिएर प्रश्नहरु उठेपछि  उनलाई निकुञ्ज विभागमा तानिएको स्रोतको भनाइ छ । 

निकुञ्ज विभागले जनाएअनुसार वन मन्त्रालयबाटै प्रमुख रुपाखेतीलाई विभाग तानिएको हो । विभागका अनुसार रुपाखेतीको ठाउँमा बर्दिया राष्ट्रिय निकुञ्जका चिफ वार्डेन भइसकेका अणनाथ बराल आउने भएका छन् ।