Safal Khabar - 'प्रचण्ड' का विचारहरुको संग्रह ‘गणतन्त्रको पहिलो दशक’ पुस्तक सार्वजनिक
बुधबार, २१ साउन २०७७ (Wednesday, 5 August, 2020)
विस्तृतमा हेर्नुहोस् »
'प्रचण्ड' का विचारहरुको संग्रह ‘गणतन्त्रको पहिलो दशक’ पुस्तक सार्वजनिक
बिहिबार, १५ साउन २०७७, ११ : ४९
'प्रचण्ड' का विचारहरुको संग्रह ‘गणतन्त्रको पहिलो दशक’ पुस्तक सार्वजनिक

काठमाडौं । नेपाल कम्युनिष्ट पार्टी (नेकपा) का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ ले संविधानसभा र व्यवस्थापिका संसदमा व्यक्त गरेका विचारहरुको सँगालो ‘गणतन्त्रको पहिलो दशक’ पुस्तक सार्वजनिक भएको छ ।पुस्तकमा २०६५ सालदेखि २०७५ सालसम्म संविधानसभा र व्यवस्थापिका संसदमा अध्यक्ष प्रचण्डले व्यक्त गरेका विचारहरु विभिन्न ४२ शीर्षकहरुमा समेटिएका छन् ।

संसदीय राजनीतिबाट सशस्त्र युद्ध, सशस्त्र युद्धलाई शान्तिपूर्ण रुपान्तरण, सशस्त्र युद्ध र शान्तिपूर्ण जनआन्दोलनलाई संयोजन, जनयुद्ध र जनआन्दोलनले उठाएका संघीयता, गणतन्त्र, समावेशी, समानुपातिक प्रतिनिधित्व, धर्मनिरपेक्षता जस्ता मुद्दालाई संस्थागत गर्ने नयाँ संविधानको ‘कोरियोग्राफर’ को भूमिका खेल्दा भोग्नु परेका उथलपुथलकारी परिघटना पुस्तकमा समावेश गरिएको छ । 

२४० बर्ष लामो राजतन्त्रलाई परास्त गरी संघीय लोकतान्त्रिक गणतन्त्रलाई संस्थागत गर्ने संविधान निर्माण र त्यो संविधान अन्तर्गत रहेर स्थानीय, प्रादेशिक र संघीय निर्वाचन गराउन भोगिएका पेचिला परिघटना र संघर्षलाई प्रस्तुत पुस्तकले उजागर गरेको छ ।  प्रचण्डलाई सत्तामा रहँदा प्रतिपक्षलाई सँगै लिएर हिड्न सक्ने, प्रतिपक्षमा रहँदा सत्ता पक्षसँग मिल्न सक्ने लचकदार र समय र परिस्थितिको तत्काल बोध गर्न सक्ने नेताको रुपमा खलेको भूमिका पुस्तकले उजागर गरेको छ ।

Yeti Diistillery
Tansen Cement box

पुस्तकमा विभिन्न राजनीतिक शक्तिहरुबीच भएका संघर्ष, पुरानो व्यवस्थाको प्रतिनिधित्व गर्ने वर्ग, संस्कृति र विचारसँगको टकराव एवम् रुपान्तरणका अनेक प्रयास अभिलेखित छ । पुस्तक प्रज्ञा स्मृति प्रतिष्ठानले प्रकाशन गरेको र यस पुस्तकमा ३८५ पृष्ठ रहेका छन् । पुस्तकको मुल्य भने तोकिएको छ । पुस्तक राजधानी काठमाडौं लगायत देशका विभिन्न सहरहरुका पुस्तक पसलहरुबट उपलब्ध हुने प्रज्ञा स्मृति प्रतिष्ठान, नेपालले जनाएको छ । 

प्रतिक्रिया दिनुहोस