आज दिनभरको मौसम कस्तो रहला ?

काठमाडौँ । जल तथा मौसम पूर्वानुमान महाशाखाले देशभरको मौसम आइतबार सामन्यतया बदली भई केही स्थानमा  वर्षा हुने  जनाएको छ । मनसुनी वायु तथा मनसुनी न्यून चापीय रेखाको प्रभावका कारण बदली तथा वर्षा भएको हो ।

विगत केही दिनको तुलनामा मनसुन केही कमजोर भए पनि निष्क्रिय नरहेकोले वर्षा हुने सम्भावना बढेको मौसमविदको भनाई छ ।  पूर्वदेखि पश्चिमका विभिन्न स्थानमा दिउँसो र राति बलदी तथा हल्कादेखि मध्यम वर्षाको सम्भावना रहेको उनले बताइन् । विगतका दिन भन्दा आइतबार पानीको मात्रा कम भए पनि सोमबारदेखि पुनः मौसम सक्रिय हुने उनले बताएकी छन् ।

विशेष गरी सोमबार रातिदेखि मनसुन सक्रिय भइ देशभर मध्यमदेखी भारी वर्षा हुने र बिहीबारसम्मै सो क्रम जारी रहने उनले बताएकी छन् । देशभरका नदीमा पानीको बहाव बढ्ने, पहिरो तथा बाढीको जोखिम हुने भएकाले सचेत हुने पर्ने मौसमविदको भनाई छ ।