धादिङमा पहिरोले एकै परिवारको ३ जनाको ज्यान लियो

काठमाडौं । अविरल परेको वर्षासंगै झरेको  पहिरोका कारण धादिङमा ३ जनाको ज्यान गएको छ । प्रहरीका अनुसार धादिङको त्रिपुरासुन्दरी गाउँपालिका– ६ गल्याङमा पहिरोले गए राति घर पुरिँदा तीन जनाको मृत्यु भएको छ । मृतक एकै परिवारको बताईएको छ ।

जिल्ला प्रहरी कार्यालय धादिङका अनुसार पहिरोले घर पुरिँदा २५ वर्षीय मिलन खाँण, २२ वर्षीया सम्झना खाँण र उनीहरुको डेढ वर्षीया छोरीको मृत्यु भएको हो ।

बिहान चार बजेतिर पहिरो गएको र पन्छाउदा ३ जनाको शव फेला परेको प्रहरीले जनाएको छ ।