नयाँ दिल्ली । भारतमा विगत २४ घण्टामा अहिलेसम्मकै धेरै ३८ हजार ९०२ व्यक्तिमा कोभिड–१९ सङ्क्रमण पुष्टि भएको संघीय स्वास्थ्य मन्त्रालय तथा परिवार कल्याण मन्त्रालयले आइतबार जानकारी गराएको छ । योसँगै भारतमा कोभिड–१९ सङ्क्रमितको कूल सङ्ख्या १० लाख ७७ हजार ६१८ पुगेको मन्त्रालयको तथ्याङ्कमा उल्लेख छ ।
विगत २४ घण्टामा कोभिड–१९ सङ्क्रमित ५४३ विरामीको मृत्यु भएसँगै यो महामारीका कारण भारतमा मृत्यु हुनेको सङ्ख्या २६ हजार ८१६ पुगेको मन्त्रालयले पुष्टि गरेको छ । भारतमा आइतबारसम्म निकोभई घर फर्किने कोभिड–१९ सङ्क्रमित विरामीको सङ्ख्या छ लाख ७७ हजार ४२३ पुगेको छ भने अझै तीन लाख ७३ हजार ३७९ व्यक्ति सङ्क्रमित रहेका छन् ।
सबैभन्दा बढी प्रभावित भारतीय राज्य महाराष्ट्रमा शनिबारसम्म तीन लाख ९३७ जनामा कोरोनाभाइरस सङ्क्रमण पुष्टि भएको छ । भारतीय चिकित्सा अनुसन्धान परिषद्का अनुसार जुलाई १८ सम्म भारतमा कोभिड–१९ सङ्क्रमण परीक्षणका लागि १ करोड ३४ लाख ३३ हजार ७४२ नमूना परीक्षण गरिएको छ भने यसमध्ये शनिबार ३ लाख ६१ हजार २४ व्यक्तिको कोभिड–१९ सङ्क्रमण पुष्टि भएको छ ।
प्रतिक्रिया दिनुहोस
एजेन्सी
आइतबार, ०४ साउन २०७७, १२ : ०४
लेखकबाट थप
सम्बन्धित समाचारहरु
सीमा क्षेत्रमा तनाब कम गर्न भारत-चीन सहमत
नेपाल र भारतबीच विद्युत् आयात सम्झौता नवीकरण
भुटान-भारतबीच अन्तरिक्ष सहकार्यकाे सम्झौता
विश्वका सर्वाधिक वायु प्रदूषित १०० सहरमा ८३ ओटा भारतका
भारतमा अप्रिल १९ देखि जुन १ सम्म आम निर्वाचन हुने
भारतमा लोकसभा चुनावको घोषणा