चितवन । यातायात व्यवस्था सेवा कार्यालय, भरतपुरले सवारी चालक अनुमति पत्र (लाइसेन्स) सम्बन्धी सम्पूर्ण सेवा दिने अधिकार पाए पनि पूर्वाधार अभाव हुँदा सेवा दिन सकेको छैन ।
आगामी आर्थीक वर्षबाट भने यो सेवा पनि प्रवाह गर्ने गरि पुर्वाधार तयार हुनेमा सेवा कार्यालय भरतपुरका कर्मचारी आसाबादि बनेका छन् ।
यातायात व्यवस्था विभागले वि सं २०७५ साउन ९ गते भरतपुर लगायत १६ वटा सेवा कार्यालयलाई परिपत्र गर्दै पूर्वाधार पुगेका सेवा कार्यालयहरुले लाइसेन्स वितरण गर्न सक्ने गरी अधिकार प्रत्यायोजन गरेको थियो । पूर्वाधार निर्माणका लागि कसैले पनि चासो नदेखाउँदा त्यसअघि प्राप्त लाइसेन्स नवीकरणको सेवासमेत सञ्चालन हुन सकिरहेको छैन ।
आफुहरुले प्रदेश लाई पत्र लेखेर पठाएको र यो आर्थीक वर्ष पछि भने सवारी चालक अनुमति पत्र (लाइसेन्स) सम्बन्धी सम्पूर्ण सेवा प्रदान गर्ने अधिकार प्रदान हुनेमा आफुहरु आसाबादि रहेको कार्यालयका सुचना अधिकारी गोविन्द पौडेल बताउँछन् ।
निजी घर भाडामा लिएर कार्यालय सञ्चालन गर्दै आएको प्रदेश नं ३ अन्तर्गतको यातायात व्यवस्था सेवा कार्यालयलमा लाईसन्स प्रदान गर्न सक्ने गरी कर्मचारीको दरबन्दी राखि कर्मचारी खटाईएको छ । ८ जनाको दरबन्दीरहेको यो कार्यालयमा हाल १२ जना कर्मचारीले सेवा प्रदान गरिरहेका छन् । यो कार्यालयले अहिले दैनिक बिहान ७ देखी बेलुका ६ बजे सम्म दैनिक ७ सयको हाराहारीमा सेवाग्राहीहरुलाई सेवा प्रदान गरेको कार्यालयका सूचना अधिकारी पौडेलले बताए ।
भरतपुर सेवा कार्यालयमा अहिले सवारी कर भुक्तानी, रुट परमिट, पटके, बिलबुकको नवीकरण गर्ने कार्यमात्रै हुने गरेको छ । सवारी दर्ता र नया लाईसन्स बनाउने र नबिकरण गर्ने सेवा पनि यो कार्यलयमा प्रदान गर्न यो क्षेत्रका सेवा ग्राही तथा यातायात ब्यवसायीहरुले माग गरिरहेका छन् ।
अहिले यो कोरोनाको मारका कारण भने बिहान ७ बजे देखी बेलुका ६ बजे सम्म सेवा प्रदान गर्नु पर्दा भने केही जटिलता भएको कर्मचारीहरु बताउछन् । सेवा ग्राहिको सहजताका लागी अहिले एउटै कर्मचारी बिहाना ७ देखी बेलुका ६ बजेससम्म निरन्तर खटिएको उनको भनाई छ ।
झन्डै तीन महिना लामो लकडाउनका कारण सवारी कर तिर्न नपाएका करदाताहरु असार १ देखी कार्यालय खुलेसंगै सवारी कर तिर्न लाईन बसेका छन् । कार्यालयमा अहिले सेवाग्राहीको अत्याधिक चाप रहेको छ । आफुहरुले सजगता अप्नाउदै जति सक्दो छिटो भन्दा छिटो निरन्तर रुपमा सेवा प्रवाह गरेको कार्यालयका प्रमुख सुवास उप्रेती बताउँछन् ।
लामो समयपछि कार्यालय खुलेको र एकैपटक सेवाग्राहीको चाप बढेकाले अलि असहज भएपनि आन्तरीक कुराहरु मिलाउदै कर्मचारीहरुको अथक मेहनत ले सेवालाई सहज बनाउदै सेवाग्राहीलाई सेवा दिएको उनको भनाई छ । सवारी धनीका हकमा जुन प्रदेशमा दर्ता भएका सवारी साधन छन् त्यही प्रदेशमा कर तिर्न सक्ने र त्यो बाहेक सवारी धनीको ठेगाना बिल बुकमा जुन प्रदेशको छ, उसले त्यही प्रदेशमा पनि कर तिर्न सक्ने ब्यबस्था रहेकाले कर तिर्ने बिषयमा अन्योलमा नपर्न उनको अग्रह छ ।
प्रतिक्रिया दिनुहोस
प्रकाश सिग्देल
बुधबार, ३१ असार २०७७, १६ : ४५
लेखकबाट थप
सम्बन्धित समाचारहरु
एनपीपीएफ स्पेनको अध्यक्षमा पुन: विशाल ढुङ्गाना, मेयर रेनु भन्छिन्- यहि वर्ष भरतपुर घुमौँ
भरतपुरमा ठाउँठाउँबाट निस्किए र्याली, नारायणी किनारमा भ्रमण वर्ष उद्घाटन कार्यक्रम सुरु
भरतपुरका विद्यालय बन्द नगरी भ्रमण वर्षको कार्यक्रममा सहभागी हुन महानगरको सर्कुलर
भरतपुर भ्रमण वर्ष २०२४ को उद्घाटनका लागि प्रचण्डसहित पाँच पूर्वप्रधानमन्त्री चितवन आउँदै
भरतपुर भ्रमण वर्ष २०२४ : यस्ता छन् प्रमुख पर्यटकीय गन्तव्यहरु
भरतपुर भ्रमण वर्ष २०२४ को तयारी अन्तिम चरणमा , उद्घाटनमा ५० हजार जना सहभागी हुने