भारतमा ८ प्रहरीको हत्या गर्ने मुख्य अभियुक्त विकास दुवे पक्राउ

एजेन्सी । भारतको कानपुरमा ८ प्रहरीको हत्याका मुख्य अभियुक्त विकास दुबे पक्राउ परेका छन्। उनी मध्यप्रदेशको उज्जैनबाट पक्राउ परेका हुन् । 

मध्यप्रदेशका गृहमन्त्री नरोत्तम मिश्रले दुबे पक्राउको पुष्टि गरेको भारतिय संचारमाध्यमहरुले उल्लेख गरेका छन् । ।  यो पक्राउलाई उनले मध्यप्रदेश प्रहरीको ठूलो सफलता भएको बताएका छन्। दुबेलाई उज्जैनस्थित महाकाल मन्दिरका सुरक्षाकर्मीले पक्राउ गरेर मध्यप्रदेश प्रहरीलाई बुझाएको जनाइएको छ।