भारतले संचालनमा ल्यायो : १० हजार शैंयाको विश्वको सबैभन्दा ठुलो कोरोना भाइरस स्याहार केन्द्र

एजेन्सी

सोमबार, २२ असार २०७७, १० : ५८
भारतले संचालनमा ल्यायो : १० हजार शैंयाको विश्वको सबैभन्दा ठुलो कोरोना भाइरस स्याहार केन्द्र

एजेन्सी । विश्व व्यापी रुपमा कोरोना भाइरसको संक्रमण बढ्दै जाँदा भारतको राजधानी दिल्लीमा १० हजार शय्याको कोरोना भाइरस स्याहार गृह संचालनमा ल्याईएको छ । उक्त स्याहार गृहमा  सामान्य लक्षण भएका तथा कोभिड १९ पोजेटिभ भए पनि कुनै लक्षण नदेखिएकाहरूको उपचार गरिने बताइएको छ ।

२० वटा फुटबल मैदानजत्रो आकारको उक्त स्याहार गृहलाई स्थानीय सञ्चारमाध्यमहरूले विश्वकै सबैभन्दा ठूलो कोरोनाभाइरस केन्द्रका रूपमा दाबी गरिरहेका छन् । राजधानी दिल्ली देशकै प्रभावित क्षेत्रमध्ये एक स्थान हो । महाराष्ट्र प्रदेश पछि सबैभन्दा बढी संक्रमित तथा मृत्यु दर पनि दिल्लीमै रहेको छ । भारतमा हालसम्म कोरोना भाइरसको संक्रमणले मृत्यु हुनेको संख्या १९ हजार ७०० पुगेको छ ।

पछिल्लो २४ घण्टामा थप ४२१ जनाको मृत्यु भएको छ २३ हजार ९३२ जना नयाँ संक्रमित थपिएका छन् । योसँगै संक्रमितको संख्या ६ लाख ९७ हजार ८३६ पुगेको छ । एसियाली मुलुकमा सबैभन्दा बढी कोरोना भाइरसको संक्रमण देखिएको भारतमा संक्रमितमध्ये ४ लाख २४ हजार ८९१२ जना संक्रमणमुक्त भएका छन् । विश्वमा सबैभन्दा धेरै कोरोना संक्रमित हुने मुलुकको सूचीमा भारत तेस्रो स्थानमा पुगेको छ । सबैभन्दा बढी प्रभावित अमेरिका छ भने त्यसपछि ब्राजिल प्रभावित छ ।

प्रतिक्रिया दिनुहोस