राष्ट्रपति भण्डारीलाई भेट्न प्रधानमन्त्री ओली शीतल निवासमा

काठमाडौं । राष्ट्रपति विद्यादेवी भण्डारीलाई भेट्न प्रधानमन्त्री केपी शर्मा ओली शीतल निवास पुगेका छन् । 

पछिल्लो समय नेकपामा विवाद चर्किएको छ । प्रधानमन्त्री ओलीलाई पद छाड्न नेकपाका बहुमत नेताहरुले दवाव दिइरहेका छन् । 

विवादकै क्रममा सहमतिको प्रयासस्वरुप आज तय स्थायी समिति बैठक सोमबारसम्मका लागि स्थगित भएको सन्दर्भमा ओली शीतल निवास जानुलाई महत्वका साथ हेरिएको छ । यद्यपि यो नियमित भेटघाट मात्र भएको प्रधानमन्त्रीको निजी सचिवालयले जनाएको छ ।

त्यस्तै आजै प्रधानमन्त्री ओलीले मन्त्रीहरुलाई बालुवाटार बोलाएका छन् । स्रोतका अनुसार प्रधानमन्त्री ओलीले साँझ ७ बजे मन्त्रीहरूलाई बालुवाटार बोलाएका छन् ।