राष्ट्रपति भण्डारीले किन आयोजना गर्दैछिन् रात्री भोज ?

काठमाडौं । राष्ट्रपति विद्यादेवी भण्डारीले रात्री भोज आयोजना गर्न लागेकी छिन् ।  आज बेलुकी ५ बजे उनले रात्री भोज आयोजना गर्न लागेकी हुन् । त्यसका लागि नेताहरुलाई उनको सचिवालयबाट निम्तोपत्र गईसकेको छ । 

कोभिड १९ को महामारीले ठूला सभा सम्मेलन नगर्न सरकार स्यवंले आग्रह गरिरहेका बेला भण्डारीले भने रात्री भोज गर्न लागेकी हुन् ।  ६ महिना अगाडी नेकपाको स्थायी समिति बैठक चलिरहँदा पनि उनले झण्डै एक दर्जन नेकपाका स्थायी समिति सदस्यलाई बोलाएर लन्च मिटिङ गरेकी थिइन् । 

बैठकका बेला राष्ट्रपतिले नेताहरुलाई बोलाएर लन्च मिटिङ गरेको त्यसबेला निक्कै आलोचना भएको थियो । तर यसपटक भने केही अन्य राजनीतिक दलका नेताहरुलाई पनि उनले रात्री भोजमा निम्तो गरेकी शितल निवास स्रोतले बतायो । नेकपाका नेतालाई मात्र निम्तो गर्दा विवादमा पर्न सक्ने ठानी उनले अन्य दलका नेतालाई पनि छानेर निम्तो दिएको स्रोतले बतायो ।