चीनले नियन्त्रणमा लिएका १० भारतीय सेनालाई रिहा गर्यो

एजेन्सी । चीनले भारत सेनासंगको झडपमा नियन्त्रणमा लिएका १० भारतीय सेनालाई रिहा गरेको छ । ३ दिन अगाडी भारत–चीन सीमा क्षेत्रको गलवान उपत्यकामा भएको दुई देशका सेनाबिचको भिडन्तको क्रममा आज रिहा गरिएका भारतीय सेनालाइ नियन्त्रणमा लिएको थियो । 

अन्र्तराष्ट्रिय संचारमाध्यमका अनुसार चीनले बिहीबार बेलुका १० भारतीय सैनिकलाई स्वतन्त्र गरेको हो । भारत र चीनको आर्मीका मेजर जनरल तहमा भएको वार्तापछि बन्धक रहेका भारतीय सैनिक स्वतन्त्र भएका हुन् । पूर्व लद्दाखसँगैको गलवान उपत्यकाको वास्तविक नियन्त्रण रेखा (एएलसी) मा गएको सोमबार राति भारत र चीनका सैनिकबिच भिडन्त भएको थियो । सो भिडन्तमा भारतका एक उच्च सैनिक कमाण्डरसहित २० जनाको ज्यान गएको थियो ।

यसरी रिहाई पाउनेहरुमा भारतीय सेनाका एक लेफ्टिनेन्ट कर्णेल र तीन मेजर पनि रहेका छन्। बुधबार बेलुका भारत र चीनका मेजर जनरल तहको वार्तामा भएको सहमति अनुसार १० भारतीय सैनिकलाई बिहीबार बेलुका पाँच बजेतिर चीनले रिहा गरेको र उनीहरुलाई कुनै चोट नपुर्याइएको सुरक्षा स्रोतलाई उद्धृत गर्दै संचारमाध्यमहरुले उल्लेख गरेका छन् ।

भारतीय सेनाले अब एलएसीमा भएको भिडन्तपछि कुनै पनि भारतीय सैनिक बेपत्ता वा सम्पर्क बाहिर नरहेको स्पष्ट पारेको छ ।