राष्ट्रपतिबाट संविधान संशोधन विधेयक प्रमाणीकरण, नयाँ नक्साले पायो संवैधानिक मान्यता

सफल खबर संवाददाता

विहीबार, ०४ असार २०७७, १८ : ५४
राष्ट्रपतिबाट संविधान संशोधन विधेयक प्रमाणीकरण, नयाँ नक्साले पायो संवैधानिक मान्यता

काठमाडौं । राष्ट्रपति विद्यादेवी भण्डारीले नेपालको संविधानको (दोस्रो संशोधन) विधेयक २०७७ लाई प्रमाणिकरण गरेकी छन् । योसँगै नेपालको संविधानमा लिम्पियाधुरासहितको क्षेत्र समेटिएको नयाँ निशान छाप कायम भएको छ । 

निशान छापमा लिम्पियाधुरासहितको नयाँ नक्सा अद्यावधिक गर्न सरकारले ल्याएको संविधान संशोधन विधेयकलाई प्रतिनिधिसभा र राष्ट्रियसभाबाट पारित भई बिहीबार राष्ट्रपति विद्यादेवी भण्डारीले प्रमाणीकरण गरेपछि नयाँ नक्साले संवैधानिक मान्यता पाएको हो ।

सरकारले गत जेठ ७ गते लिम्पियाधुरा, लिपुलेक र कालापानी क्षेत्र समेटेर नेपालको नयाँ राजनीतिक नक्सा जारी गरेको थियो ।

प्रतिक्रिया दिनुहोस