कोरोना नियन्त्रणको रोकथाम तथा नियन्त्रणको खर्चमा भ्रष्टाचार भएको छ भने सह्य हुदैंन, कारवाही हुन्छ : प्रधानमन्त्री ओली

काठमाडौं । प्रधानमन्त्री केपी शर्मा ओलीले कोरोना नियन्त्रणको सामग्री खरिदमा कुनै पनि भ्रष्टाचार नभएको बताएका छन् । उनले यो विषयमा चिन्ता नगर्न आग्रह गरेका छन् । कहिकतै भएकै छैन भन्न सकिदैन, भएको छ भने यस्तो परिस्थितीमा, यस्तो संकट, आपतविपत परेको बेला भ्रष्टाचार भएको छ र गर्छ भने सह्य नहुने बताए । त्यस्तालाई कुनै पनि बहानामा उम्किन दिईने छैन् ।  

आज प्रतिनिधी सभामा बोल्दै उनले कोरोना नियन्त्रण तथा रोकथाममा लागेको खर्च हिसाबकिताब प्रति ढुक्क रहन र सबै हिसाबकिताब महालेखापरिक्षकबाट आउने बताए । सरकारले लिएको सुखी नेपाली समृद्ध नेपालको मापदण्ड के हो ? कहां पुग्यो भने समृद्ध र खुसी भईन्छ भन्ने काममा सरकार लागेको दाबी समेत गरे ।

कोरोनाको स्थिती शुरुमा नियन्त्रणमा थियो, पछि ८५ प्रतिशत कोरोना भारतबाट भित्रिएको बताए । त्यही कारणले संक्रमितको संख्या बाढी जस्तै आएको पनि उनको तर्क छ । कोरोनाबाट १५ जनाको मृत्यु भएको तथ्यांक प्रस्तुत गर्दै नेपालीको रोगको प्रतिरोधको क्षमता राम्रो भएकाले त्यति ठुलो हताहति नभएको धारणा राखेका छन् ।