Safal Khabar - जुवाको खालबाट उच्च व्यापारिक घरानाका चर्चित व्यक्तिहरु पक्राउ
आइतबार, २८ असार २०७७ (Sunday, 12 July, 2020)
विस्तृतमा हेर्नुहोस् »
जुवाको खालबाट उच्च व्यापारिक घरानाका चर्चित व्यक्तिहरु पक्राउ
मङ्गलबार, २० जेठ २०७७, १० : ४०
जुवाको खालबाट उच्च व्यापारिक घरानाका चर्चित व्यक्तिहरु पक्राउ
सांकेतिक तस्बिर ।

काठमाडौँ । होटलमा जुवा खेलिरहेको अवस्थामा प्रहरीले उच्च व्यापारिक घरानाका ९ जनालाई नगद र क्वाईन सहित पक्राउ गरेको छ । प्रहरीले उनीहरुलाई काठमाडौँको  कमलादीस्थित एक होटेलमा जुवा खेलिरहेको अवस्थामा सोमबार साँझ पक्राउ गरेको हो ।

पक्राउ पर्नेहरु बैंक सन्चालक देखि नाम चलेका व्यापारिक प्रतिष्ठानका संचालकहरु समेत छन् । प्रहरीले कमलादीस्थित गगौंर बुटिक होटेलमा छापा मारेर व्यापारीहरु विमल खेतान, विमल अउजा, रामचन्द्र संघाई, सुरेशकुमार अग्रवाल, पुरुषोत्तम घिराइया अग्रवाल, गोविन्दराम सरिया, अशोककुमार अग्रवाल, नन्दकिशोर शर्मा र होटल सञ्चालक भारतीय नागरिक मिक्की जोगाईलाई पक्राउ गरेको हो ।

पक्राउ गरेका रामचन्द्र संघाई एनआईसी एसिया बैंकका सञ्चालकसँगै सांघाई गु्रपका संचालक हुन् । अशोक अग्रवाल र विमल अउजा विशाल ग्रुपका संचालक हुन् । अशोककुमार अग्रवाल लाइफ इन्स्योरेन्स कर्पोरेशन नेपाल (एलआईसी) का संचालक पनि हुन । उनीहरुको साथबाट २ लाख ७७ हजार नगद र  क्वाइनहरु  प्रहरीले बरामद गरेको छ । प्रहरीका अनुसार जुवाडेहरु क्वाइन र चिप्सहरु प्रयोग गरेर जुवा खेल्ने गरेका थिए । 

Yeti Diistillery

प्रतिक्रिया दिनुहोस