काठमाडौं । स्वास्थ्य मन्त्रालयले पछिल्लो पटक जारी गरेको विज्ञप्ती अनुसार, थप ३० जना कोरोना संक्रमण नेपालमा थपिए । यो संख्या सँगै कोरोना संक्रमतिको संख्या नेपालमा ४ सय ८७ पुगेको छ ।

सर्लाहीमा १५ सहित, कपिलवस्तु, बर्दघाट सुस्ता पूर्वको नवलपरासी र चितवनमा थपिएका थिए संक्रमितहरु । स्वास्थ्य मन्त्रालयले ठेगाना देखाउने गरेका संक्रमित कतिपय अवस्थामा फेला नपरेको र टे«सिङ गर्न समस्या परिरेहको छ । परिक्षण गरेको स्थान र जिल्ला बीचको समन्वय नहुदा कतिपय संक्रमतिलाई फेला पार्न नै सकस परिरहेको छ । संक्रमित बस्ने एकातिर र ठेगाना अर्काेतिरका दिदा पनि समस्या उत्पन्न हुँदै आएको छ । 

स्वास्थ्य मन्त्रालयले यस विषयमा देखिने गरी कतिपय बेला जारी गरेको वक्तब्यमा उल्लेखित ठेगान नै नरहेको देखिएपछि जिल्ला तहमा भने अप्ठयारो परेको छ । शुक्रबार बिहान मन्त्रालयले जारी गरेको विज्ञप्तीले पनि त्यस्तै अप्ठयारो पारेको छ ।

सर्लाहीको गोडैता नगरपालिकामा ८, ९, ११, १३ र १४ वडाका गरी १५ जनामा मन्त्रालयले कोरोना संक्रमण रहेको पुष्टि गरेको छ । तर गोडैता नगरपालिकामा जम्मा १२ ओटा मात्र वडा छन् । १३ र १४ वडा उक्त नगरपालिकामा छदैछैन् । मन्त्रालयले  १३ र १४ वडा भन्दै उल्लेख गरेर कोरोना संक्रमित देखाएपछि त्यहाँको जिल्ला प्रशासन कार्यालय नै अचम्मित बनेको छ ।

‘कहाँका संक्रमित हुन् ? थाहा छैन, स्वास्थ्य मन्त्रालयको विज्ञप्तीले नै अप्ठायारो पार्न थालेको छ, मन्त्रालयले राम्रोसँग भेरिफिकेसन गरेर विज्ञप्ती जारी गरिदिदा हामीलाई पनि सहज हुने थियो,’ जनप्रतिनिधीहरु बताउँछन् ।