गृह मन्त्रालयको निर्णयसंगै खारेज भयो पूर्वराजा ज्ञानेन्द्र शाहाको सवारी पास , रोकिए आफ्नै चिया बगान झापामा

काठमाडौं । गृह मन्त्रालयको निर्णयसंगै पूर्वराजा ज्ञानेन्द्र शाह र उनकी पत्नी कोमल शाह काठमाडौं उपत्यकामा आउनका लागि  जिल्ला प्रशासन कार्यालय झापाले बिहीबार जारी गरेको सवारी पास केही घण्टामै खारेज गरेको छ। 

 जिल्ला प्रशासन कार्यालय झापाले पूर्व राजा शाहका लागि  तत्कालै सवारी पास जारी गरेको थियो।  त्यसको केही घण्टामै गृह मन्त्रालयको आदेशमा प्रशासनले सवारी पास खारेज गरिएको जानकारी गराएको थियो।

गृह मन्त्रालयले आज बिहीबार काठमाडौं, भक्तपुर, ललितपुरका प्रमुख जिल्ला अधिकारी, मेयरहरू, प्रहरी अधिकारीहरूसँग छलफल गरेर शुक्रबारदेखि लकडाउन कडा बनाउने निष्कर्ष निकालेको हो। आजैबाट काठमाडौंको लकडाउनमा कडाइ गरिएको छ । सञ्चारकर्मीलाई समेत सूचना विभागको पास अनिवार्य गरिएको छ । लकडाउनको पालना नगर्नेलाई प्रहरीले होल्ड समेत गर्न थालेको छ ।

लकडाउन सुरु हुनु अघी पूर्व राजा ज्ञानेन्द्र शाह  र पत्नी कोमलसहित झापा पुगेका थिए।  झापामा रहेको आफ्नो हिमालय चिया बगानमा शाह दम्पती बसिरहेका थिए।