काठमाडौं । प्रदेश ५ का मुख्यमन्त्री शंकर पोखरेलले भारतमा रोजगारीका लागि पुगेका नेपालीहरुलाई सीमा क्षेत्रमा ल्याएर छोडने प्रवृत्तिको विरोध गरेका छन् ।
कोरोना परीक्षण नगराइकन भारतले नेपालीहरुलाई सीमामा अलपत्र छाडेको भन्दै उनले एकाबिहानै सामाजिक सन्जाल मार्फत रोष प्रकट गरेका हुन् । उनले भारतको यो शैली ‘डब्ल्यूएचओ’ को मापदण्ड बिपरीत भएको पनि बताएका छन् ।
‘बिनापरीक्षण नेपालीलाई सीमामा अलपत्र छोड्ने भारतीय शैली डब्लुएचओको मापदण्ड बिपरीत छ । संक्रमितलाई असुरक्षित यात्रा गराउन मिल्दैन ।’ पोखरेलले फेसबुकमा लेखेका छन् ।
नेपाल भारत बीच आ–आफ्ना देशमा रहेका दुवै देशका नागरिकलाई सुरक्षित राख्न पहल गर्ने समझदारीको पनि भारतले अहिले उल्लंघन गरिरहेको आरोप लागिरहेको छ ।
भारतले अलपत्र मजदुरहरुलाई उनीहरुको घर पठाउने नाममा बिभिन्न शहरहरुबाट मानिसहरु ओसारिरहेको छ । धेरै नेपालीहरुलाई सीमा क्षेत्रमा ल्याएर छाडिएको छ । यसैप्रति पोखरेलले रोष ब्यक्त गरेका हुन् ।
प्रतिक्रिया दिनुहोस
सफल खबर संवाददाता
विहीबार, ०१ जेठ २०७७, ०९ : २१
लेखकबाट थप
सम्बन्धित समाचारहरु
बागमतीका मुख्यमन्त्री जम्कट्टेलले चैत १९ गते विश्वासको मत लिने
दिल्लीका मुख्यमन्त्री केजरीवाल पक्राउ
बागमतीको मुख्यमन्त्रीमा तीन पार्टीको दाबी
कोशी प्रदेशका मुख्यमन्त्री र बंगलादेशका राजदूतबिच भेटवार्ता
कर्णाली पछि परेको होइन,पारिएको हो : मुख्यमन्त्री शर्मा
मधेसका मुख्यमन्त्री सरोजकुमार यादवले विश्वासको मत आज लिने