सरकारले ल्याएको अध्यादेशबारे बोले भीम रावल

काठमाडौं । सरकारले 'पार्टी विभाजन सहज' हुने गरी ल्याएको अध्यादेश प्रती  नेकपा स्थायी कमिटी सदस्य भीम रावलले आपती जनाएका छन ।उनले सामाजिक सञ्जाल यो विधेयकलाई अनिष्टकारी भनेका छन् ।

उनले भने, ‘कोरोना संक्रमणबाट जनताको सुरक्षा गर्न सिंगो राष्ट्रलाई एकतावद्ध गरी अघि बढ्नुपर्ने अवस्थामा पार्टीमा कुनै छलफल नगरी पार्टी विभाजनलाई सहज तुल्याउने र संवैधानिक परिषदमा नियन्त्रण र सन्तुलनको मान्यतालाई खण्डित गर्ने गरी अध्यादेश ल्याइनु अनुचित र देशको लागि अनिष्टकारी हो’ ।

सोमबार बसेको मन्त्रिपरिषद बैठकको सिफारिसअनुसार राष्ट्रपति विद्यादेवी भण्डारीले राजनीतिक दल र संवैधानिक परिषदसम्बन्धी अध्यादेश आजै जारी गरेकी छन् ।

रावलका अनुसार देशमा राजनीतिक स्थायित्व कायम गरी बाह्य चलखेल बन्द गर्ने ध्येयले राजनीतिक दलहरुका बीच निकै लामो छलफल र परामर्शपछि सहजै पार्टी फुटाउन नसकिने गरी राजनीतिक दलसम्बन्धी कानून ल्याइएको थियो ।