खाली खुट्टा हिड्ने यात्रुलाई लक्षित गरेर सडकमा जुत्ता र पिउने पानी

काठमाडौं । कोभिड–१९ को सङ्क्रमणबाट बच्न काठमाडौंबाट बनेपा– धुलिखेल हुँदै पैदल यात्रा गरी घर जाने विभिन्न जिल्लाका सर्वसाधारणलाई सडकमा जुत्ता चप्पल र पिउने पानी राखिएको छ ।

धेरै पैदलयात्रु खाली खुट्टा फर्किदै गरेको समाचार प्रवाह भएपछि स्थानीयले यात्रुको सुविधाका लागि यस्तो गरिदिएका हुन् । स्वयमसेवकका पहलमा प्रयोग गरिसकेको जुत्ता चप्पल यात्रुलाई लगाउन मिल्ने गरी धुलिखेलचोकमा राखिएको छ ।

लकडाउनको अवधिमा पसल बन्द हुने र यात्रुलाई लामो दुरी हिँड्दा खाली गोडा हिँड्न नपरोस् र उनीहरुलाई हिँड्न सहज होस् भनी सडकमा जुत्ता राखी दिएको हो । राजधानी दैनिकमा खबर छ ।