सामूहिक बलात्कारमा परिन् कैलालीकी १७ वर्षीया किशोरी, ४ जना पक्राउ

कैलाली । कैलालीमा एक किशोरीलाई सामूहिक बलात्कार गरेको आरोपमा ४ जना पक्राउ परेका छन् । 

पक्राउ पर्नेमा गौरीगंगा नगरपालिका वडा नम्बर ४ का २० वर्षीय नरेश नेपाली, २१ वर्षीय अर्जुन सावद, २० वर्षीय निर्मल चौधरी र २४ वर्षीय नरेश भट्ट रहेका छन् । उनीहरुबाट धारिलो हतियार र मोटरसाइकल समेत बरामद भएको प्रहरीले जनाएको छ ।

जिल्लाको गौरीगंगा नगरपालिका–१ कि १७ वर्षीया किशोरीमाथि सामूहिक बलात्कार भएको हो । आफन्तलाई भेटेर गएराति घर फर्किंदै गरेकी किशोरी खुरखुरियानजिकै सामूहिक बलात्कारमा परेको उजुरी परेको जिल्ला प्रहरी कार्यालय, कैलालीका प्रवक्ता प्रहरी नायव उपरीक्षक दक्ष बस्नेतले जानकारी दिए ।

उनका अनुसार, बलात्कृत किशोरीले आफूमाथि कुटपिट गर्दै बलात्कार गरेको बयान दिएकी छन् ।