प्रचण्डको सन्देश : ‘कोरोना विरुद्धको संघर्षमा सफलता मिलोस’

काठमाडौं । नेकपा अध्यक्ष तथा पूर्व प्रधनमन्त्री पुष्पकमल दाहाल प्रचण्डले नयाँ वर्षले कोरोना भाइरस विरुद्धको संघर्षमा मानव जातिकै नयाँ अन्तराष्ट्रिय एकता र राष्ट्रिय एकताको आधार दिने विश्वास ब्यक्त गरेका छन् ।

नयाँ वर्ष २०७७ को उपलक्ष्यमा शुभकामना सन्देश जारी गदै अध्यक्ष प्रचण्डले देशभित्र र बाहिर रहनुभएका सम्पूर्ण नेपाली दिदीबहिनी, दाजुभाइहरुमा हार्दिक शुभकामना व्यक्त गदै त्यस्तो विश्वास ब्यक्त गरेका हुन् ।
‘नयाँ वर्षले कोरोना (कोभिड–१९) भाइरसको महामारीका विरुद्ध संघर्षरत मानव जाति र आम नेपाली जनतालाई पूर्ण सफलतासहित सु–स्वास्थ्य, शान्ति र समृद्धिको कामना गर्दछु ।’

प्रचण्डको शुभकामना सन्देशमा छ । उनले सबै जातीय समुदाय, राष्ट्रिय राज्य, धार्मिक समुदाय र वर्गीय समुदायमा समेत समानरुपले आक्रमण गरिरहेको कोरोना (कोभिड–१९) भाइरस  विरुद्धको संघर्षमा नयाँ वर्षले मानव जातिकै नयाँ अन्तराष्ट्रिय एकता र राष्ट्रिय एकताको आधार दिने विश्वास ब्यक्त गरेका हुन् । 

प्रचण्डले शुभकामना सन्देशमा अगाडी भनेका छन्,–‘यस सन्दर्भमा म आम नेपाली दिदीबहिनी, दाजुभाइहरुलाई कोरोनाको रोकथाम, नियन्त्रण र उपचारका निमित्त नेपाल सरकारले अघि सारेका लकडाउन लगायतका नीति कार्यक्रमको कडाइपूर्वक पालना गर्न उच्च मनोबल, स्वअनुशासन र एकताको बलमा विजय प्राप्त गर्न विशेष अपील पनि गर्दछु ।’