कोरोना नियन्त्रण कार्यदल भरतपुरलाई सहयोग

चितवन । कोरोना नियन्त्रण कार्यदल भरतपुरलाई विभिन्न संघ संस्थाहरुले भिन्नभिन्न सामाग्री सहयोग गरेका छन् । अविनास ग्रुप अफ पोल्ट्री ईन्डष्ट्रिज र स्काई लार्क एग्रो प्रालीले आज कार्यदललाई  आठ हजार थान सर्जिकल माक्स हस्तान्तरण गरेको छ ।

कम्पनीका तर्फबाट टिकाराम पोख्रेलले कार्यदलका संयोजक संयोजक तथा भरतपुर महानगरपालिका प्रमुख रेनु दाहाललाई माक्स हस्तान्तरण गर्नुभयो । यस्तै सोही संस्थाले जिल्ला प्रहरी कार्यालय चितवनलाई दुई हजार थान माक्स प्रदान गरेको छ । कार्यालयका प्रमुख प्रहरी उपरिक्षक नान्तिराज गुरुङलाई प्रोख्रेलले माक्स हस्तान्तरण गर्नु भएको हो । 

कोरोना भाइरसको त्रासका कारण उपचारमा समस्या नहोस भनेर अस्पताललाई र सुरक्षामा खटिएका शुरक्षाकर्मीलाई अफ्ठ्यारो नहोस भनेर माक्स हस्तान्तरण गरिएको पोख्रेलले जानकारी दिनुभयो ।

केही दिन अघि सोही संस्थाले भरतपुर अस्पताल र कोरोना अस्पताललाई ५/५ हजार थान माक्स हस्तान्तरण गरेको थियो । 

यस्तै आजै एभरेष्ट बचत तथा ऋण सहकारी संस्थाले दुई सय सर्जिकल माक्स, पाँच थान व्याक्तिगत सुरक्षा सामाग्री ९पिपिई० कार्यदललाई हस्तान्तरण गरेको छ । संस्थाका उपाध्यक्ष  शान्तलाल प्रधानले ती सामाग्री दाहाललाई हस्तान्तरण गर्नु भएको हो । यस संस्थाले यस अघि पनि सहयोग गरेको थियो ।  

यता न्यू बुद्धमुनी लोकमाण्ड एण्ड सन्सले १० थान पिपिई हस्तान्तरण गरेको छ । सन्सका संञ्चालक महेन्द्रमान शाक्यले संयोजक दाहाललाई हस्तान्तरण गर्नु भयो ।

यसैगरी नारायणी मोटर्सका अनुशा चुकेले १० सेट पिपिई, नेपाल पुस्तक तथा स्टेशनरी व्यवसायी महासंघ चितवन शाखाले रु १ लाख २४ हजार २ सय बराबरको विभिन्न सामाग्री हस्तान्तरण गरेको छ । संस्थाले २० थान पिपिई र ८० थान एन ९५ माक्स हस्तान्तरण गरेको हो । 

पिपि खेतानले नेतृत्व गर्नुभएको अवसर फाउण्डेसनले एक हजार लिटर सेनिटाईजर र आबिस्कार पोल्ट्रीका सञ्चालक बिज्ञान बिक्रम शाहले प्रति थान रु ७ हजार ५ सय पर्ने १० थान भाइरोसिज हस्तान्तरण गर्नु भएको छ । नारायणी मोटर्सले यस अघि पनि सहयोग गरेको थियो । 

सामाग्री ग्रहण गर्दै कार्यदलका संयोजक रेनु दाहालले संकटका समयमा सबैको सहयोग आवश्यक रहेको बताउनुभयो । 

सो अवसरमा कार्यदलका सदस्य सचिव एवं भरतपुर अस्पतालका अध्यक्ष डा. भोजराज अधिकारीले यहाँ संकलित सामाग्रीहरु विभिन्न अस्पतालहरुलाई वितरण गरिने बताउनुभयो । 
विभिन्न संघ संस्थाहरुले कार्यदललाई सहयोग गर्ने क्रम जारी छ ।